Navigation open Navigation close

In «Di da la furmaziun professiunala» varià

Il 13avel Di interchantunal da la furmaziun professiunala è passà. 28 radios regiunals da 21 chantuns han mess ils 5 da matg la furmaziun professiunala en il center da lur contribuziuns. L'accent tematic:


- la situaziun da las plazzas d’emprendissadi (consequenzas da la pandemia da corona sin il martgà da plazzas d’emprendissadi)
- process da tscherner la professiun


Spezialistas e spezialists da la cussegliaziun professiunala han visità il studio d'intginas staziuns da radio. En auters lieus han els prendì encunter las dumondas dal public per respunder en scrit.


En pli han las staziuns da radio realisà interessantas invistas en la vita da persunas da differentas professiuns che absolvan ina carriera spezialmain reussida u fitg originala. Ellas mussan quant permeabel ch'è il sistem da la furmaziun professiunala e tge schanzas da carriera ch'el porscha.


Ina schelta da contribuziuns pon ins tadlar anc ina giada sin questa pagina-web u tar las staziuns da radio participadas.